ವೀಡಿಯೊ : ವಂತಾರ ವನ್ಯಜೀವಿ ಕೇಂದ್ರದಲ್ಲಿ ಸಿಂಹ-ಹುಲಿಗಳೊಂದಿಗೆ ಮುಖಾಮುಖಿ, ಸಿಂಹದ ಮರಿಗಳು-ಜಿರಾಫೆಗಳಿಗೆ ಆಹಾರ ಉಣಿಸಿದ ಪ್ರಧಾನಿ ಮೋದಿ-ವೀಕ್ಷಿಸಿ

ಜಾಮನಗರ : ಪ್ರಧಾನಿ ನರೇಂದ್ರ ಮೋದಿ ಅವರು ಮಂಗಳವಾರ ಗುಜರಾತಿನ ಜಾಮನಗರದಲ್ಲಿ ಹೊಸದಾಗಿ ಉದ್ಘಾಟನೆಗೊಂಡ ‘ವಂತರಾ’ – ಪ್ರಾಣಿ ರಕ್ಷಣಾ ಮತ್ತು ಪುನರ್ವಸತಿ ಕೇಂದ್ರಕ್ಕೆ ಭೇಟಿ ನೀಡಿ, ಅಲ್ಲಿ ಅವರು ಪ್ರಾಣಿಗಳೊಂದಿಗೆ ಕೆಲ ಕ್ಷಣಗಳನ್ನು ಕಳೆದರು. 1.5 ಲಕ್ಷಕ್ಕೂ ಹೆಚ್ಚು ರಕ್ಷಿಸಲ್ಪಟ್ಟ ಪ್ರಾಣಿಗಳಿಗೆ ನೆಲೆಯಾಗಿರುವ ವಂತಾರದ ಸುಧಾರಿತ ಪಶುವೈದ್ಯಕೀಯ ಸೌಲಭ್ಯಗಳನ್ನು ಅವರು ಪರಿಶೋಧಿಸಿದರು, ಪ್ರಾಣಿಗಳೊಂದಿಗೆ ಸಮಯ ಕಳೆದರು, ಶಸ್ತ್ರಚಿಕಿತ್ಸೆಗಳ ವಿದಾನಗಳನ್ನು ವೀಕ್ಷಿಸಿದರು.
ವೀಡಿಯೊವೊಂದರಲ್ಲಿ, ಪ್ರಧಾನಿ ಮೋದಿ ಏಷ್ಯಾಟಿಕ್ ಸಿಂಹದ ಮರಿಗಳು, ಬಿಳಿ ಸಿಂಹದ ಮರಿಗಳು, ಚಿರತೆ ಮರಿಗಳು ಮತ್ತು ಇತರ ಅಳಿವಿನಂಚಿನಲ್ಲಿರುವ ಪ್ರಾಣಿಗಳು ಸೇರಿದಂತೆ ಹಲವು ಪ್ರಾಣಿಗಳೊಂದಿಗೆ ಆಟವಾಡುತ್ತಿರುವುದನ್ನು ಕಾಣಬಹುದು ಗಾಜಿನ ಮನೆಯಲ್ಲಿ ಕುಳಿತ ಪ್ರಧಾನಿ ಮೋದಿ ಹಿಮ ಹುಲಿಗಳು, ಬಿಳಿ ಸಿಂಹ ಮತ್ತು ಹಿಮ ಚಿರತೆಯೊಂದಿಗೆ ಮುಖಾಮುಖಿಯಾದರು.

ಸಿಂಹದ ಮರಿಗಳಿಗೆ ಮತ್ತು ಅನಾಥ ಘೇಂಡಾಮೃಗಗಳಿಗೆ ನೀರು ಉಣಿಸುವ ಕೆಲವು ಚಿತ್ರಗಳನ್ನು ಎಕ್ಸ್‌ನಲ್ಲಿ ಪ್ರಧಾನಿ ಹಂಚಿಕೊಂಡಿದ್ದಾರೆ. ಅವರು ಒಕಾಪಿಯನ್ನು ತಟ್ಟುವುದು, ಒರಾಂಗುಟಾನ್ ಅನ್ನು ತಬ್ಬಿಕೊಳ್ಳುವುದು ಮತ್ತು ಮೊಸಳೆಗಳನ್ನು ಗುರುತಿಸುವುದು ಕಂಡುಬಂದಿದೆ. ಪ್ರಧಾನಿಯವರು ದೊಡ್ಡ ಹೆಬ್ಬಾವು, ವಿಶಿಷ್ಟವಾದ ಎರಡು ತಲೆಯ ಹಾವು ಮತ್ತು ಎರಡು ತಲೆಯ ಆಮೆಯನ್ನೂ ನೋಡಿದರು.
ಮೋದಿ ವನ್ಯಜೀವಿ ಕೇಂದ್ರ ಗುಜರಾತ್‌ಗೆ ಪ್ರಧಾನಿ ಮೋದಿ ಭೇಟಿಯು ವನ್ಯಜೀವಿ ಆಸ್ಪತ್ರೆಯ ಪ್ರವಾಸವನ್ನು ಸಹ ಒಳಗೊಂಡಿತ್ತು. ವನ್ಯಜೀವಿ ಕೇಂದ್ರದಲ್ಲಿರುವ ವನ್ಯಜೀವಿ ಆಸ್ಪತ್ರೆಗೆ ಭೇಟಿ ನೀಡಿದ ಪ್ರಧಾನಿ ಮೋದಿ, ಎಂಆರ್‌ಐ, ಸಿಟಿ ಸ್ಕ್ಯಾನ್‌ಗಳು ಮತ್ತು ಐಸಿಯು ಸೇರಿದಂತೆ ವಿವಿಧ ರೀತಿಯ ಪಶುವೈದ್ಯಕೀಯ ಸೇವೆಗಳ ಕುರಿತು ಮಾಹಿತಿ ಪಡೆದರು.

ಇತ್ತೀಚೆಗಷ್ಟೇ ಹೆದ್ದಾರಿಯಲ್ಲಿ ಕಾರಿಗೆ ಡಿಕ್ಕಿ ಹೊಡೆದು ಪೆಟ್ಟಾದ ಚಿರತೆ ಜೀವ ಉಳಿಸಿದ ಆಪರೇಷನ್ ಥಿಯೇಟರ್‌ಗೂ ಭೇಟಿ ನೀಡಿದರು.
3,000 ಎಕರೆಗಳಲ್ಲಿ ಹರಡಿರುವ ವಂತರಾ, ಗುಜರಾತ್‌ನ ಪ್ರಸಿದ್ಧ ಗಿರ್ ಸಿಂಹಗಳು ಸೇರಿದಂತೆ 2,000 ಕ್ಕೂ ಹೆಚ್ಚು ಅಳಿವಿನಂಚಿನಲ್ಲಿರುವ ಪ್ರಭೇದಗಳಿಗೆ ನೆಲೆಯಾಗಿದೆ.
ಪ್ರಧಾನಿ ಮೋದಿ ವೀಡಿಯೊದಲ್ಲಿ ಸಿಂಹದ ಮರಿಗಳು ಮತ್ತು ಅನಾಥ ಘೇಂಡಾಮೃಗಗಳಿಗೆ ನೀರು ಉಣಿಸುವದನ್ನು ಕಾಣಬಹುದು. ಅವರು ಒಕಾಪಿಸ್, ಒರಾಂಗುಟಾನ್‌ಗಳು, ಜಿರಾಫೆಗಳು, ಆನೆಗಳು ಮತ್ತು ಮೊಸಳೆಗಳಂತಹ ಇತರ ಪ್ರಾಣಿಗಳೊಂದಿಗೆ ಕ್ಷಣಗಳನ್ನು ಹಂಚಿಕೊಂಡರು.